KORONADAL CITY – Malinong nga napatigayon ang pormal nga pagsaylo sang pagdumala sangARMM government sa Bangasamoro Transisyon Authority (BTA) sa idalom ni MILF Chairman Murad Ibrahim.
Kasunod ini sa ginpatigayon nga oathtaking ceremony sang mga opisyal sang Bangasamoro Autonomous Region in Muslim Mindanao (BARRM) kahapon sa Shariff Kabunsuan Cultural Complex sa Cotabato City.
Suno kay Ibrahim, isa ka dako nga hangkat para sa ila ang pag-angkon sang kalinong nga madugay na nga ginahandom sang mga Mindanaoans.
Samtang sa interbyu sang Bombo Radyo Koronadal kay Major Arvin Encinas, Spokesperson sang 6ID Phil Army, ila nga ginalauman ang mauswagon kag malinong nga BARMM kag sa ila nasakupan.
Pila sa mga opisyal nga yara sa gabinete sang BARMM amo sanday Ministry on Budget and Finance – Engr. Edward Guerra, Ministry on Social Service – Atty. Raissa Jajurie, Ministry on Education – Mohagher Iqbal, Ministry on Health – Dr. Saffrullah M. Dipatuan, Ministry on Interior Governance – Atty. Naguib Sinarimbo, Ministry on Environment – Abdulrauf Macacua, Ministry on Agriculture – Mohammad Shuaib Yacob, Minister of Public Order and Safety – Hussain Munoz, Ministry on Indigenous Affairs – Melanio Ulama kag Ministry on Public Works and Highways – Al Hadj Murad Ibrahim.
