KORONADAL CITY- Positibo ang pamunuan sang Integrated Provincial Health Office sang South Cotabato nga kilalahon sang World Health Organization ang probinsya bilang modelo para sa Local Governtment Intervention may kaangtanan sa inisyatibo sini sa pagbulig sa mga tawo nga may Human Immunodefeciency Virus at Aquired Immunofeciency Syndrome ukon HIV/AIDS.
Ini ang kasunod sang makapila nga bes nga pagbisita sang grupo sang WHO sa probinsya sini nga bulan bangud sa nakit-an sini nga epektibo kag maayo nga resulta sang HIV/AIDS Core Team ukon HACT.
Sa interbyu sang Bombo Radyo Koronadal kay Dr. Rogelio Aturdido, Provincial Health officer sang South Cotabato, ginpahayag sini nga padayon ang ginapatigayon nga validation sang WHO kun ihatag ang Certificate of Excellence sa HACT sang probinsya.
Samtang, ginpahayag man sini nga ang pagsaka sang kaso sang HIV/AIDS sa 447 ang pamatuod suno pa nga epektibo ang pagpangampanya sang mga health workers bangud mas madamo nga luyag nga magpatest kag nagpaidalom sa Antiretroviral therapy.
