KORONADAL CITY- Nagpahanumdom ang Commission on Elections o COMELEC sa mga pulitiko at sa kanilang mga supporters na sundon ang ila nga regulasyon sa pagtakod sang mga campaign materials ilabi na kag nagsugod na ang kampanya sa national level.
Sa interbyu sang Bombo Radyo Koronadal kay Koronadal City COMELEC officer Michael Ignes, hugot nga ginadumilian ang pagpanglansang sang mga campaign materials ilabi na sa mga puno sang kahoy bangud posible nga mapatay ang mga ini kun sa diin sa tion nga madakpan may yara sang nagakaigo nga silot halin sa Department of Environment and Natural Resources o DENR.
Dugang pa sini nga bawal man nga mag usar sang campain materials nga non-biodegradable bangud makapakalain ini sa kinaiyahan kag nagatuga sang madamo nga basura sa palibot.
Kadungan sini gin-awhag man sang COMELEC ang mga pulitiko nga ipakita ang matuod nga serbisyo publiko pinaagi sa pagtatap sa kinaiyahan.
