KORONADAL CITY – Ginkakas sang Philippine Army ang kabalaka sang mga residente kaangot sa seguridad sa nagahilapit nga BOL plebiscite sa Lanao del Norte kag North Cotabato sa Pebrero 6.
Sa interbyu sang Bombo Radyo Koronadal kay 6th Infantry Division Phil Army Spokesperson Major Arvin Encinas, ginpahayag sini nga mas ginpahugtan pa nila ang ginapatuman nga seguridad antes ang nasambit nga plebisito.
Suno sa opisyal, nagpatigayon na sila sang review activity sa nakaligad nga plebisito agud malikawan kag maliwat ang mga nangin isyu sadtong Enero 21, 2019.
Ginpasiguro man ni Encinas nga yara na sa area ang dugang nga mga security forces para sa malinong nga piniliay.
Samtang ginhatagan punto man ni Encinas nga padayon ang ila paglagas sa ginakabig nga peace spoilers nga nagatuga sang kalakasan sa mga bahin sang Mindanao.
