KORONADAL CITY- Preparado na ang nagkalain-lain nga mga grupo sang kabataan, katapo sang simbahan kag iban pa nga ahensiya sang gobyerno sa igapatigayon prayer vigil para sa mga biktima sang Sulu twin bombing nga ginkapatay sang masobra 20 ka indibidwal kalakip ang pila ka tropa sang gobyerno kag ginkapilas sang masobra 100 ka iban pa.
Sa interbyu sang Bombo Radyo Koronadal kay Hope Militante Fernandez, Mindanao Peace Council president, ang nasambit nga prayer vigil nga may tema nga Prayer for Peace: One Love, One Mindanao for Jolo nga ginapatigayon sa Rizal Park sang Jolo Sulu mangin man sa syudad sang Davao.
Dugang pa sini nga magasindi sila sang kandila kag magahalad sang bulak para sa mga biktima sang karahasan kag makaangkon man sang mga aktibidad kag programa batuk sa terorismo.
Magasirbe man ini nga solidarity gathering sang mga peace advocates halin sa nagkalain-lain nga relihiyon agud maghatag sang respeto sa kada isa.
