KORONADAL CITY- Ginbuyagyag sa Bombo Radyo Koronadal ni PSSupt. Joel Borbon Limson hepe sang South Cotabato PNP nga madamo sang katapo sang South Cotabato PNP ang miyembro na sang Kabus Padatoon ukon KAPA investment scam nga naga operate sa syudad sang Koronadal kag mga kalapit nga lugar kasubong sang General Santos City kag Sarangani province.
Sa ekslusibo nga interbyu sang Bombo Radyo Koronadal kay PD Limson nagpatigayon na sila sang imbestigasyon sa mga pulis nga miyembro sang KAPA investment scam ilabi na nga madamo sang nagpalab-ot sang reklamo sa 8888.
Kaangot sini gilayon nga nagpagwa sang memorandum ang PNP 12 sa pagpamuno ni RD PCSupt. Eliseo Tam Rasco sa tanan nga mga pulis sang PNP 12 nga untaton kag indi magsulod sa investment scam kasubong sang KAPA.
Dugang pa ni PD Limson nga nagpangayo na sila sang kopya sa KAPA sang mga pangalan sang mga pulis nga investors nila apang nagpakatig-a ang mga ini nga ihatag ang listahan.
Ginakabalak-an nga bangud sa nasambit nga investment scam, maapektuhan kag ma impluwensyahan sang iligal nga aktibidad ang trabaho sang mga pulis.
