KORONADAL CITY- Ginpahugtan pa ang ginapatuman nga seguridad sa bug-os nga banwa sang Jolo, Sulu makaligad ang nagluntad nga asud-asod nga pagpamomba sa Our Lady of Mt. Carmel Cathedral.
Nahibaluan nga humalin subong nga adlaw, nakalockdown na ang bug-os nga Jolo, Sulu bilang kabahin sang pagpadasig sa paglagas sang mga yara sa likod sang pagpamomba kun sa diin luwas sa mga residente sang nasambit nga banwa, lunsay mga pulis, suldado, kag mga opisyal sang gobyerno lang ang ginatugutan nga makasulod sa Jolo.
Samtang sa pihak nga bahin, nagdeploy naman sang dugang nga pulis kag mga suldado sa mga talatapan sang gobyerno, moske kag simbahan kun sa diin suno naman kay Father Jeff Nadua sang Our Lady of Mt. Carmel Cathedral magahalad sa gihapon sila sang pangamuyo sa sulod sang naguba nga simbahan para sa mga napatay kag mga pilason sa nasambit nga pagpasigabong.
