KORONADAL CITY- Nagpadulong sa Bombo Radyo Koronadal ang isa sa mga miyembro sang Kabus Padatuon investment scam agud nga magpangayo sang pasaylo sa ginhimo nga pagpamahog sini sa Bombo Radyo Koronadal.
Sa interbyu sang Bombo Radyo Koronadal kay Reymond Villegas, isa ka K9 handler kag trainer sa syudad sang Koronadal nga indi suno pa ini makatulog humalin sang nagpalab-ot ini sang pamahog sa Bombo Radyo nga pagasunugon suno pa ang istasyon kaangot sa gihapon sa pagtalakay sang isyu nga naga kwestyon sa legalidad sang KAPA.
Dugang pa sini sa iya pagpaandam nga sarang suno pa baklon sangn KAPA ang Bombo agud sunugon bangud madamo suno pa sila sang kwarta.
Bangud sini nagpalab-ot sang pagkondina sa ginhimo nga pamahog ni Villegas batuk sa Bombo rason nga nahadlok naman ini nga mapasakaan sang reklamo sang network.
Samtang aminado naman ini nga may ihibalo siya nga ginatalakay ang iligal nga operasyon sang KAPA base sa mga dokumento kag advisory nga ginpagwa sang Securities and Exchange Commission o SEC, Department of Interior and Local Government o DILG kag PNP Bislig apang nadala lamang suno pa ini sa iya emosyon bangud nagpain ini sang investment sa iligal nga investment group.
