KORONADAL CITY- Ginabasol karun san kampo ni Cotabato City Mayor Cynthia Guiani Sayadi ang manubo nga voters turnout sa ginpatigayon nga Bangsamoro Organic Law Plebiscite sa mga napagkit nnga problema sa tunga sang botohan.
Sa interbyu sang Bombo Radyo Koronadal kay Anecito Rasalan, executive secretary ni Mayor Sayadi, masubo sila bangud 52% lamang ang napagkit nga voters turnout nga pinakamanubo sa maragtas sang eleksyon sa Cotabato City kun sa diin sa mga nakaligad nga eleksyon, 78% ang average.
Bangud sini magasang-at sang reklamo sa Commission on Elections ukon (COMELEC) ang kampo ni Mayor Sayadi bangud sa napagkit suno pa nga harassment, flying voters kag vote buying sa nasambit nga plebisito.
Nagtuga man suno pa sang pyschological stress ang presensiya sang mga kalalakihan nga indi taga Cotabato City nga nagtipon malapit sa mga voting centers nga posible nga nangin kabangdanan agud nga mahadlok ang mga botante.
