KORONADAL CITY – Nangin malinong sa pangkabug-osan ang ginpatigayon nga piniliay para sa ratipikasyon sang Bangsamoro Organic Law kahapon.
Ini ang ginpahayag ni Comelec spokesman James Jimenez sa ekslusibo nga interbyu sang Bombo Radyo Koronadal.
Suno sa tagpamaba sang poll body, nangin tayuyon ang pagpatigayon sang piniliay sa iban nga mga lugar magluwas na lamang suno pa sa Cotabato City bangud sa mga napagkit nga mga insidente sang pagpangulata sa pila ka polling precincts.
Samtang wala man nalikawan ang pila ka problema kasubong sang pagkadelatar sang pila ka presinto sa pagboto bangud sa pag-backout sang pila ka mga board of election inspectors (BEIs), gani gintal-osan nila ini sang mga pulis bilang alternatibo nga paagi.
Ginalauman naman nga subong nga adlaw makaangkon na sang resulta halin sa Comelec central office.
