Cotabato City mangin Malakanyang sang BARMM sa tion nga magmadinalag-on ang BOL

KORONADAL CITY- Ginakabig nga maswerte ni Maguindanao 1st District Representative Bai Sandra Sema ilabi na sa tion nga mangin madinalag-on ang Bangsamoro Organic Law kag masakop sang Bangsamoro region.

Ini ang pahayag ni Sema sa eksklusibo nga interbyu sang Bombo Radyo Koronadal kun sa diin mas mangin masanyog ang syudad sang Cotabato kag pagakabigon suno pa nga Malakanyang ng Bangsamoro Autonomous Region in Muslim Mindanao ukon BARMM.

Dugang pa sini nga mas madamo sang trabaho ang mahatag sa lugar bangud lauman suno pa ang pagbubo sang mga proyekto ilabi na nga maangkon ang ginalauman nga kalinong sa rehiyon.

Ginpahayag man sini nga mangin capital sang BARMM ang Cotabato City sa tion nga magdaog ang Yes para sa BOL.