KORONADAL CITY- Nagapati ang pila ka boxing analyst sa South Cotabato nga magmadinalg-on ang pambato sang Pilipinas sa ginabantayan nga sambuwa sini kay Adriane Broner sa Las Vegas Nevada buwas, Enero 20, 2019.
Sa esklusibo nga interbyu sang Bombo Radyo Koronadal kay Dodoy Tolentino, local boxing promoter kag analyst sa probinsya sang South Cotabato, ginpahayag sini nga magapakita sang maayo nga hampang si Fighting Senador Manny “Pacman” Pacquiao kun sa diin mabudlyan suno pa si Broner nga malutos ini.
Suno kay Tolentino, mangin mas maayo ang istilo ni Pacman sa ibabaw sang ring, mangin ang paglikaw sini sa mga sumbag sang kalaban.
Nagbalik man suno pa ang killing power ni Pacman kun sa diin makit-an ang isa ka arsibo nga sumbag kag mabaskog sini nga right hook punch.
Gintawag pa ni Tolentino nga isa ka “gifted boxer” ang fighting senador bangud sa dedikasyon sini sa patag sang boxing nga gin-updan pa sang iya nga pagsalig sa Ginuo.
Samtang, tuman naman ang excitement sang mga kasimanwa ni Pacman sa ilabi na sa General Santos City kag pangamuyo sang mga ini nga makuah sini ang kadalag-an para sa Pilipinas.
