KORONADAL CITY- Madasig sa subong ang igapatigayon nga focus military operation sang Armed Forces of the Philippines sa probinsya sang Maguindanao kag sa mga kaiping nga mga lugar agod nga pangitaon ang mga myembro sang terorista nga grupo nga Bangsamoro Islamic Freedom Fighters ukon BIFF nga isa kadako nga pagpamahog sa pagahiwaton nga plebisito para sa ratipikasyon sang Bangsamoro Organic Law sa Enero 21, 2019.
Dugang pa ni 6th Infantry Division Philippine Army, spokesman Major Arvin Encinas, nga bantay sarado naman sa subong sang 98th Infantry Battalion, 37th IB kag 6th IB ang entrance kag exit points ilabi na sa Cotabato City bangod sa madamo nga pamahaog sang agpangamo nga nabaton samtang nagahilapit na ang plebisito.
Sa subong isa sa mga natumod nga may plano nga manggamo sa pagahiwaton nga plebisito ang Bungos faction sang BIFF- ISIS inspired group.
Sa subong hugot man nga nakipag-angot ang militar sa mga sibilyan agod nga makabulig sa pagbantay sa seguridad sang Bangsamoro region
