KORONADAL CITY- Gintawag nga harassment sang kampo ni Cotabato City Mayor Cynthia Guiani-Sayadi ang pilit suno pa nga pagsakop sa Cotabato City agud mangin kabahin sang Bangsamoro core territories.
Sa ekslusibo nga interbyu sang Bombo Radyo Koronadal kay Aniceto Rasalan, executive secretary ni Mayor Sayadi, indi suno pa dapat piliton nga ilakip ang Cotabato City sa mga lugar nga pagasakupon sang Bangsamoro ilabi na nga pulo ka bes nga mas developed ang Cotabato kun ikumparar suno pa sa iban nga teritoryo sa Bangsamoro region ilabi na nga isa ini ka independent component city sa SOCCSKSARGEN.
Gin-insister man sini nga ang Cotabato City ang isa ka urban center sa SOCCSKSARGEN kag ginakabig nga economic zone kag sentro sang Halal businesses base sa National Economic Development Authority kun sa diin masarangan suno pa nila nga magsanyog apisar wala suno pa ang Bangsamoro.
Dugang pa sini nga nagapabilin nga ‘No’ ang stand ni Mayor Sayadi sa Bangsamoro Organic Law sa nagahilapit nga plebesito sa Enero 21, 2019 sa pihak sang pahayag ni Comelec spokesperson James Jimenez nga dayon sa gihapon ang plebisito para sa ratipikasyon sang BOL bangud kabahin ang Cotabato City sa BOL provisions sang mga lugar nga kinahanglan magboto.
