KORONADAL CITY- Ginkumpirmar ni PSSupt. Michael Lebanan ang bag-o nga Cotabato City Police Director nga komplikado kag mainit subong ang sitwasyon sa syudad sang Cotabato samtang nagahilapit na ang Bangsamoro Organic Law plebiscite sa enero 21, 2019.
Sa ekslusibo nga interbyu sang Bombo Radyo Koronadal kay PSSupt. Lebanan, mas ginatutukan nila sa karun ang security preparations kun sa diin ginkumpirmar sini nga nag-alabutan na ang augmentation forces sang Philippine National Police kag sang Armed Forces of the Philippines agud ideploy sa bug-os nga syudad nga isa sa mga pinaka kritikal nga lugar para sa palaabuton nga plebesito.
Kaangot sini ginapreparahan man nila kag ginabantayan ang mga naga initanay nga political rivals mangin man ang pamahog sang mgga terorista nga grupo kasubong sang ISIS inspired Bangsamoro Islamic Freedom Fighters kag ISIS-inspired Dawla Islamiya group nga luyag gamuhon ang nakatalana nga plebesito.
