KORONADAL CITY – Ginpatigayon ang isa ka voters education campaign kaangot sa nagahilapit nga plebisito sang Bangsamoro Organic Law sa Enero 21 sa mga lugar nga mangin sakop sang Bangsamoro Autonomous Region in Muslim Mindanao (BARMM).
Sa interbyu sang Bombo Radyo Koronadal kay Baz Camendan, ang vice chairman sang Mindanao People’s Peace Movement, ginpatigayon ang nasambit nga hilikuton makaligad ang education and information campaign kaangot sa mga probisyon sang BOL agud makaboto sila sandig sa ila konsensiya.
Kaangot sini, pagasiguruhon man ang kaluwasan sang mga magatambong sa plebisito kun sa diin iga-deploy suno pa ang yara sa 400 tubtob 500 nga kapulisan kag kasuldadohan sa Cotabato City.
Nahibaloan nga kalakip ang Lanao Del Norte, Cotabato City, Isabela City kag Jolo, Sulu sa BARMM, apang kontra naman ang mga Cotabateños apesar core territory suno pa ini sang BOL.
