KORONADAL CITY – Nagtuga sang pagka-alarma sa mga residente sang Prk. Bukang Liwayway, Tampakan, South Cotabato ang nagluntad nga pagsigabong sang granada sa nasambit nga lugar.
Bangud sa nasambit nga insidente, isa ang napagkit nga napilasan.
Ginkilala ni PSInsp. Brandie Rasos, hepe sang Tampakan PNP ang biktima nga si Joenel Rioja, 20, anyos kag residente sang nasambit nga lugar.
Base sa inisyal nga imbestigasyon, pasado alas 8:30 kagabi natabo ang insidente kun sa diin papuli na ang biktima sa iya nga puluy-an halin sa barangay hall sang nag-agi ang isa ka motorsiklo sakay ang 2 katawo kag ginhabuyan ini sang granada.
Naka-angkon ini sang pilas sa nagkalain-lain nga bahin sang iya nga lawas kag yara na sa luwas nga kondisyon makaligad nga gindangat sa South Cotabato Provincial Hospital.
Na-arestar naman sang mga kapulisan sa ginpatigayon nga followup operation ang isa sa mga suspek nga si John Ralph Eslacin, 18 anyos samtang ginpangita pa ang upod sini nga si Rodel Canlas.
Ginahibalo pa sang Explosive Ordnance Team kun ano nga sahi sang granada ang gin-usar sang mga suspek.
Personal grudge naman ang ginatanaw nga motibo sang Tampakan PNP sa nasambit nga insidente.
