KORONADAL CITY- Nagresulta sa kamatayon sang duha ka suspek ang ginpatigayon nga drug buybust operation sang gintingob nga pwersa sang Bagumbayan PNP kag Sultan Kudarat Provincial Police Office sa banwa sang Bagumbayan, Sultan Kudarat matapos nga magbato sa mga otoridad.
Ginkilala ang mga suspek nga sanday Santiago Perutin Magno, residente sang Brgy Tuka kag isa ka Joey Penlak Diente, nga residente sang Brgy Busok sa nasambit nga banwa.
Suno sa Bagumbayan PNP, nabaklan sang operatiba sang 1 sachet sang droga ang mga suspek kag sang mahibaluan sini nga pulis ang ka-transaksyon, gilayon naman nga naglapagyo ang mga ini usar ang isa ka motorsiklo kag una nga nagpalupok sang armas luthangsa kapulisan rason nga nagbalos man ang mga ini.
Narekober sa posisyon ni Magno ang 3 sachets sang ginapatiahn nga shabu nga gintago pa sini sa iya nga underwear kag cal. 38 nga armas samtang isa ka shotgun naman ang nakuha sa posisyon ni Diente.
Nahibaluan nga madugay na nga ginasubaybayan sang PNP ang nasambit nga mga suspek.
