KORONADAL CITY- Nagapadayon ang imbestigasyon sang Koronadal City PNP makaligad ang nagluntad nga suicide incident sa sentro sang siyudad.
Sa interbyu sang Bombo Radyo Koronadal kay PO2 Eduardo Villaluna sang Koronadal City PNP ginkilala lamang ang naghikog nga biktima nga si alyas Boyet, 19 anyos isa ka Grade 7 student kag residente sang Pigcauayan North Cotabato apang kasamtangan nga nagapuyo sa Balmores st. Brgy. GPS sini nga siyudad.
Dugang sang opisyal, nasaksihan mismo sang madamo nga mga motorista ang paghikog sang biktima kun sa diin nagpati ang mga ini nga may kay-uhon lamang sa traffic light apang tuman ang ila kakibot sang may nakahigot nga nylon sa iya liog kag ginhigot man sini sa traffic light kag hinali nga naglumpat.
Nagresponder naman ang mga pulis kag Red Cross apang gindeklarar nga dead on arrival si alyas Boyet.
Samtang suno sa kakilala sang naghikog, may mga lagob sa lawas si alyas Boyet makaligad nag-intra suno pa sa fraternity antes naghikog.
