KORONADAL CITY- Mas nag-init pa sa karun ang kampanya para sa nagahilapit na plebesito sang Bangsamoro Organic Law sa Enero 21, 2019 kun sa diin naga-angkon na suno pa sang harassment ang pila sa mga opisyal bangud sa indi pagsuporta sa BOL.
Nahibaluan nga ekslusibo nga ginkumpirmar sang kampo ni Cotabato City Mayor Cynthia Guiani-Sayadi sa Bombo Radyo Koronadal nga nakabaton sila sang pagpanghadlok halin suno pa sa kampo ni Moro Islamic Liberation Front Commander Wahid Tundoc.
Suno kay Aniceto Rasalan, executive secretary ni Mayor Guiani unod sang threat amuh ang pagpamilit sa alkalde kag sa mga local officials nga mag Yes sa BOL bangud kun indi sila magapasakop sa BOL, paga gamuhon kag pagawasakon suno pa nila ang syudad sang Cotabato.
Bangud sini ginmando na nga pahugtan pa ang seguridad ilani na kag may naglutad nga IED explosion nga ginkapatay sang 2 ka persona kag ginkapilas naman sang 34 ka iban pa.
