2 Dawlah Islamiyah member nagsungka sa militar sa Cotabato

KORONADAL CITY- Ginpaidalom na subong sa custodial debriefing sang militar ang 2 ka miyembro sang Dawlah Islamiyah terror group makaligad magsungka sa militar.

Suno sa 6th Infantry Division Philippine Army, nagsungka sa syudad sang Cotabato ang 2 ka armado nga ginkilala kanday Nasrudin Tuya kag Sharwina Mohamad sa Joint Task Force Kutawato.

Nahibaluan nga tuman nga pagkahidlaw sa ila pamilya nga madugay na nga wala nakit-an ang rason sang ila pagbalik sa gobyerno.

Suno naman kay Major General Cirilito Sobejana , commander sang Joint Task Force Central nga padayon ang ila pagpangganyat sa mga rebelde nga magsungka na kag mangabuhi nga malinong ilabi na nga may mga program ang gobyerno nga nagahulat para sa ila.