KORONADAL CITY- Nakapreso na sa karun ang isa ka pulis makaligad ini nga magpalupok sang iya armas luthang kadungan sang holiday season.
Sa ekslusibo nga interbyu sang Bombo Radyo Koronadal kay PSSupt. Joel Limson, Police Provincial Director sang South Cotabato, nahibaluan nga naka designar suno pa sa Police Regional Office ARMM ang wala pa ginhingadlan nga pulis nga nagabakasyon lamang sa Brgy. Topland, Koronadal City.
Nakaangkon suno pa sang indi paghangpanay sa pamilya sang pulis nga nagresulta sa ila pag-ilinaway sa pamilya nga nagresulta sa pagpalupok sini sang armas luthang.
Gilayon naman nga gindakop ang nasambit nga pulis kag ginpasakaan na sang kaso kag sa karun nakapreso na ini sa Koronadal City Police Station.
Nahibaluan nga subong nga holiday season nagpatigayon sang muzzle taping ang PNP ilabi na sa Koronadal agud mapasiguro nga luwas ang mga pumuluyo sa stray bullets ukon ano pa nga insidente.
