KORONADAL CITY- Gina-obserbaran pa sa karun ang kahimtangan sang isa ka menor de edad samtang yara naman sa estado sang trauma ang 2 pa ka menor de edad nga kaupod sini makaligad ang pagpangluthang sa Prk. 5 Bual, Tulunan North Cotabato.
Sa ekslusibo nga interbyu sang Bombo Radyo Koronadal kay PCI Jojie Barotas, hepe sang Tulunan PNP nahibaluan nga kaupod ni Chris Lawrence Sotto , 14 anyos ang mga abyan sini nga mga menor de edad nga sanday John Rick Caldero kag Marlon Carwana sakay sa motorsiklo padulong sa Prk.5 Bual, Tulunan North Cotabato kag samtang ginasuroy ang dalan nagub-an sila sang motorsiklo.
Samtang ginatulod nila ang motorsiklo padulong sa ila nga destinasyon, 3 ka mga kalalakihan nga sakay man sa itom nga motorsiklo ang nagpondo kag pilit nag ginakuha ang ila nga motorsiklo kag gulpi na lamang sila ginpangluthang kun sa diin naigo sa likod nga bahin si Sotto samtang ang 2 naman ka menor de edad ang nakadalagan kag nakapalagyo.
Gilayon nga nagresponder ang mga residente sa lugar kun sa diin madasig nga nagpalagyo ang mga suspek sa wala mahibaluan nga direksyon kag gilayon man nga gindangat sa balay bululngan ang naigo nga menor de edad.
Sa karun nagapaayo pa ang biktima samtang padayon naman ang imbestigasyon sang mga otoridad.
