KORONADAL CITY – Blangko sa gihapon tubtob sa subong ang Tacurong PNP kun ano ang motibo sa panibag-o na naman nga insidente sang pagpangluthang sa ila area of responsibility.
Sa interbyu sang Bombo Radyo Koronadal ky PSupt. Joefel Siason, hepe sang Tacurong PNP, ginkilala sini ang biktima nga si Ershad Ali Bedial, 37 anyos, may asawa kag residente sang Prk. 9, Brgy Poblacion.
Base sa inisyal nga imbestigasyon, ginamaneho sang biktima ang national highway sakay sa iya salakyan sang hinali ini nga ginsundan sang ginapatihan nga riding in tandem suspects kag ginluthang sa ulo ang biktima nga nangin rason sang iya hinanali nga kamatayon.
Narekober sa crime scene ang pila ka basyo sang kalibre 45 nga armas luthang amo ang ginapatihan nga gin-usar sa pagpatay sa biktima.
Nagluntad ang panibag-o nga insidente sang pagpangluthang isa ka adalw makaligad ginluthang man sang kaupod sa inom ang iya abyan bangud lamang sa pambakal sa sigarilyo.
