KORONADAL CITY- Nagapabilin nga yara pa sa delikaro nga kondisyon ang isa ka lalaki makaligad mabiktima sang pagpangluthang sang kainuman sini sa syudad sang Tacurong, Sultan Kudarat.
Sa impormasyon nga ginpalab-ot sang mga otoridad, ginkilala ang biktima nga si Quelle France Cariada Ortiz, single, cook kag residente sang Brgy. Villamor, Esperanza, Sultan Kudarat samtang ang suspek naman amuh si Noriel Patubo, 35 anyos, may asawa, driver kag residente sang Lambayong, Sultan Kudarat.
Sa inisyal nga impormasyon halin sa Tacurong City PNP, nakadungan lang suno pa ni Ortiz ang suspek sa ilimnan sang magpadulong ini sa puluy-an sang ila himata kun sa diin sa tunga sang ilimnan, nagpangayo ini sang P20 agud pambakal suno pa sang sigarilyo apang wala niya ini ginhatagan.
Naakig suno pa si Patubo kag ginluthang si Ortiz nga gilayon naman nga gindangat sa balay bululngan.
Narekober naman sa crime scene ang mga basyo sang kalibre 45 nga pistolya nga gin-usar sang suspek sa pagluthang sa biktima.
Sa karun yara na sa Tacurong City lockup cell ang suspek kag nakatalana nga pasakaan sang kaso samtang padayon naman ang obserbasyon sa kahimtangan sang biktima.
