KORONADAL CITY – Ginahibalo pa sang kapulisan kun naulamid ang ginapatihan nga anay katapo sang Special Armed Forces sang PNP nga napatay sa isa ka operasyon sa Bagumbayan, Sultan Kudarat, kun kabahin bala ini sang gun for hire.
Sa interbyu sang Bombo Radyo Koronadal kay PSupt. Ian Bagot, hepe sang Tantangan PNP, ginkilala sini ang nasambit nga suspek nga si Velmo Paderungao, residente sang Brgy New Cuyapo kun sa diin ikalima ini sa top 10 most wanted sang Tantangan PNP.
Ginserbe suno pa ang warrant of arrest batok kay Paderungao bangud sa pagpangluthang sini sa isa ka residente sang Brgy New Cuyapo kag may nakakita sa iya naghimo sini.
Na-neutralize naman sang gintingob nga pwersa sang Tantangan PNP kag Bagumbayan PNP ang suspek makaraang nagbato suno pa ini sa nasambit nga operasyon.
Nagapasalamat naman ang opisyal sa mga informants nga nagbulig nga matumod si Paderungao.
