KORONADAL CITY- Pagapasakaan na sang kaso nga paglapas sa R A 9165 o Comprehensive Dangerous Drugs Act of 2002 ang duha ka mga drug suspects nga naarestar sa Brgy. Morales syudad sang Koronadal sa ginpatigayon nga drug buy-bust operation sang Koronadal City Police Drug Enforcement Unit.
Sa impormasyo nga ginpalab-ot ni SPO1 Erwin Dollente, ginkilala ang mga suspek nga sanday Alma Salazar Oro, 37 anyos, wala sang trabaho, nagadala kag residente sang Prk. Alegria, Brgy. Morales syudad sang Koronadal samtang natikma man ang ginasiling nga runner sini nga college student nga si Francis Dave Gubaton Austria, 24 anyos nga residente sang Brgy. New Lambunao, Tantangan, South Cotabato.
Sa nasambit nga operasyon, narekober sa mga suspek ang 2.2 grams sang ginapatihan nga shabu na may balor nga P18,000 kun sa diin yara na ang mga ini sa lock-up cell sang Koronadal City PNP.
