KORONADAL CITY– Nagapadayon sa karun ang imbestigasyon sang Bureau of Fire Protection sa banwa sang Surallah South Cotabato makaligad ang
nagluntad nga sunog sa Purok Bugtongbukid Sitio San Isidro, Brgy. Lamian, Surallah South Cotabato.
Suno sa BFP-Surallah sa pagpanguna ni SINSP Leilani Bangelis, nakabaton sila sang tawag halin sa opisyal sang barangay Lamian kun sa diin may nagaluntad nga sunog.
Nahibaluan nga nagluntad ang sunog sa isa ka residential house nga ginhimo sa light materials kun sa diin madasig nga naglapta ang kalayo.
Wala naman nakaluwas sa sunog ang isa ka 54 anyos nga lalaki nga may disabilidad makaligad nga ma trap sa sulod sang puluy-an.
Nagpamalibad naman ang pamilya sang biktima nga ipahibalo ang identity sini samtang padayon pa nga ginahibalo ang matuod-tuod nga gintunaan sang sunog
