KORONADAL CITY – Ginahibalo na sang mga otoridad kun miyembro bala sang isa ka organisado nga grupo ang isa ka 14 anyos nga menor de edad nga nadakpan bangud sa pagpangawat sang motorsiklo sa banwa sang Sto. Nino, South Cotabato.
Sa nakuha nga impormasyon sang impormasyon sang Bombo Radyo Koronadal, ginpahayag ni PSI Jessie Silva, ang Commanding Officer sang 1202nd Maneuver Company sang Regional Mobile Force Battalion 12, nga padayon nila nga ginaberipika ang pila ka impormasyon kaangot suno pa sa mga kakunsabo sang mga lamharon nga suspek nga nadakpan sa ila checkpoint.
Suno kay Silva, posible man nga ginausar ang mga lamharon nga suspek sa iban pa nga krimen kasubong sang gun running nga may kaangtanan sa insidente sang pagpangluthang sa pila ka banwa sa probinsya sang Sultan Kudarat.
Ginmando man sini sa 1202nd Maneuver Company sang PNP nga pahugtan pa ang pagbantay kag sitahon ang sin-oman nga magabayolar, bisan pa mga menor de edad.
Nagpahanumdom namana ng opisyal sa mga motorista nga magtuman sa mga pagsulondan nga ginapatuman sa checkpoint.
