KORONADAL CITY– Nakabatyag subong sang trauma ang isa ka Overseas Filipino Worker sa Riyadh, Saudi Arabia makaligad ini nga ginhana nga luguson sang 4 ka mga lalaki sa iya ginadayunan sa nasambit nga lugar.
Sa ekslusibo nga interbyu sang Bombo Radyo Koronadal sa iloy sang biktima nga nagpamalibad anay nga magpakilala, nagakabalaka ini sa iya nga bata nga si alyas Noraisa, 35 anyos kag residente sang Centrala Surallah, South Cotabato kun sa diin ginbilin suno pa ang iya nga bata sang mga amo sini sa himata sa Riyadh makaligad nga maghalin padulong sa Estados Unidos apang anom ka bulan na wala sa gihapon ini ginbalikan sang iya mga amo.
Sa puluy-an naman sang himata sang iya amo kun sa diin ini ginbilin, may isa ka babayi nga tigulang ini nga kaupod kag ang 4 ka mga lalaki nga naghana maglugos sa iya nga iya ginbatuan.
Sa karun, ginapreso nalang sini ang iya kaugalingon sa kwarto bangud sa kahadlok kag nagpalapit ang iya iloy sa Bombo agud ma rescue ang nasambit nga OFW.
