KORONADAL CITY- Padayon nga gina obserbaran sa karun sa South Cotabato Provincial Hospital ang 2 ka persona nga biktima sang pagpangluthang sang mga ginapatihan nga SUKARAP sa banwa sang Banga, South Cotabato.
Sa ekslusibo nga interbyy sang Bombo Radyo Koronadal kay SPO1 Roldan Apostol sang Banga Municipal Police Station ang mga biktima ang ginkilala nga sanday Jeffrey Bermejo, 26 anyos residente sang Brgy. Rizal Poblacion Banga SoCot kag isa ka Jail Guard sa SoCot Provincial Jail kag si Pami Robles yara sa legal nga pang edaron kag residente man sang nasambit nga barangay.
Sa imbestigasyon sang PNP nagwa nga naga inom suno pa sa tunga sang dalan ang grupo sang ginasiling nga mgga SUKARAP samtang ang biktima naman nga si Bermejo ang naga inom man sa tabok nga bahin sang dalan.
Gulpi lang suno pa nagsinggit ang isa sa mga myembro sang gina alegar nga mga SUKARAP kag nagpanghangkat sang gamo rason nga ginsaway ni Bermejo.
Nakaangkon sang tensyon sa duha ka bahin kag nagkuha sang armas ang suspek kag ginluthang sa kilid nga bahin si Bermejo.
Naigo man sa bahin sang iya nga kamo si Robles sang naghana man ini nga magtambag sa gamo.
Nahibaluan nga ang mga suspek ang ginkilala na sanday Roderick Habagat, 18 anyos residente sang nasambit nga lugar kag Ronnie Lungakit, 18 anyos residente man sang nasambit nga lugar kag isa pa ka wala ginhingadlan nga menor de edad.
Yara na sa kustodiya sang PNP ang mga suspek kag natalana nga pasakaan sang kaso nga Frustrated Murder.
