Bangkay sang lalaki nga ginluthang kag ginsunog, nasapwan sa Polomolok South Cotabato

KORONADAL CITY- Nagapadayon ang imbestigasyon sang Polomolok PNP angot sa nagluntad pagpangluthang kag pag sunog sa isa ka persona sa banwa sang Polomolok.

Base sa impormasyon nga nakuha sang Bombo Radyo Koronadal ginpahayag ni PSupt Jose Marie Simangan, chief of police sang Polomolok PNP nga ginkilala ang biktima nga si Jason Pastolero, yara sa legal nga pang edaron kag residente sang Surallah, South Cotabato.

Suno naman sa inisyal nga imbestigasyon sang kapulisan posible nga sa iban nga lugar ginluthang kag ginsunog ang nasambit nga biktima kag ginhaboy lamang sa ila AOR.

Sa Karun isa ang isyu sa iligal nga droga nga posible kabangdanan sa pagpatay sa biktima apang ginakumpirmar pa.