May yara na sang nagakaigo nga ebedensiya ang Securities and Exchange Commission (SEC) batok sa Kapa Ministry International Inc. nga gintukod ni Joel Apolinario.
Sa esklusibo nga interbyu sang Bombo Radyo Koronadal kay SEC Regional Director Atty. Renato V. Egypto sang Region 10, magluwas sa mga reklamo nga ila nabaton angot sa iligal nga operasyon sang KAPA, magapatigayon ang mga ini sang madalom nga imbestigasyon.
Suno kay Director Egypto nga maathag nga pyramiding scam, modus kag pangpagtonto ang ginhimo ni Apolinario kag mga kaupdanan sini nga recruiter nga ginapadayon ang operasyon sa nagkalain-lain nga lugar sa Mindanao.
Kaangot sini, dako man ang pagpati ni Egypto nga mapa untat ang operasyon sang KAPA pinaagi sa pagpagwa sang Cease and Desist Order ng SEC national office base sa ila nga rekomendasyon.
Magluwas diri, kun mapamatud-an nga gina-usar lang sang KAPA ang ila nga SEC registration bilang ministry sa ila nga iligal nga operasyon sa pangongolekta sang kwarta possible man suno pa ini nga ma-revoke.
Kadungan sini nanawagan sa liwat si Egypto sa mga pumuluyo nga maganyat sa gihapon nga mag invest sa KAPA nga panumdumon sang maayo kag indi magpatunto.
