KORONADAL CITY- Gindalasa sang ginapatihan nga buhawi kag mabaskog nga ulan ang banwa sang Banga, South Cotabato.
Sa ekslusibo nga interbyu sang Bombo Radyo Koronadal kay Brgy. Kapitan Fermin Dorigo, pinakaapektado sila sa Brgy. Improgo kun sa diin nakapagkit sila sang insidente sang pagkatumba sang mga puno kag pila ka mga puluy-an sa purok Malipayon kag purok Mahigugmaon ang naguba.
Duha man ang pilason nga ginkilala kanday Benedict Lusloc kag Noy Muyco makaligad matumbahan sang mgga puno sang kahoy samtang ginapatigayon ang rescue operation sa mga apektado nga mga residente.
Nakaeksperyensya man sang brownout sa lugar bangud sa mga naguba nga mga linya sang kuryente.
Luwas pa dire, tuman ang kabalaka ni kapitan Dorigo ilabi na nga prone sa baha ang ila nga barangay.
