Barangay Kapitan patay sa pagpangluthang sa Maguindanao

KORONADAL CITY– Nagapadayon sa Karun ang imbestigasyon sang Datu Paglas PNP sa nagluntad nga pagpangluthang patay sa isa ka punong barangay sa bahin sang Barangay Salendab Datu Paglas Maguindanao alas 12:30 sang udto.

Ginkilala sang PNP ang napatay nga si Kedteng Banol Ayob, 57 anyos may asawa kag Punong Barangay sang Elbebe Columbio, Sultan Kudarat.

Base sa inisyal nga imbestigasyon sang Paglas PNP, 2 ang suspek sa pagpangluthang sa biktima nga nag-usar suno pa sang cal. 45 nga armas.

Nag-angkon sang igo sang bala sa nagkalain-lain nga lawas ang biktima nga nangin tunaan sang gilayon sini nga kamatayon.

Gilayon nga gindala sang pamilya sini ang bangkay sang biktima sa banwa sang Columbio agud mapalubong base sa tradisyon nga Islam.