KORONADAL CITY- Nagresulta sa pag bakwit sang ginabulubanta yara sa masobra 100 ka mga indibidwal ang nagluntad nga engkwentro sa tunga sang 2 ka grupo sang MILF 106th Base Commanders sa Brgy. Langgapanan, Sultan sa Barongis, Maguindanao.
Sa impormasyon nga ginpalab-ot sang 33rd Infantry Battalion Philippine Army commander Lt. Col Harold Cabunoc, nakaangkon sang gyera sa tunga nanday kumander Mac 4 kag kumander Sammy Tahir makaligad makaangkon sang indi paghangpanay sa ganar sang ila pagpangotong sa mga biktima nga mga negosyante, local farmers kag iban pa nga ordinaryo nga mga residente sa lugar.
Nahibaluan nga nagluthanganay ang nasambit nga grupo kag nagresulta sa pagbakwit sang mga residente sang Brgy. Langgapanan kun sa diin gilayon nga nagpatunga ang Coordinating Committee on the Cessation of Hostilities (CCCH), Ad Hoc Joint Action Group (AHJAG) sa pagpamuno ni Benhod Solaiman makaligad nga maparalisar ang dalagan sang pagpangabuhi sang mga residente kag ginsuspinder ang mga klase.
Gilayon naman nga nagpatigayon sang operasyon ang militar batuk sa magkasumpong nga grupo.
Suno naman kay Col. Cabunoc ang 2 MILF commanders ang mga anay miyembro sang Pentagon Kidnap for Ransom gang nga nagpamiyembro sa MILF sang mapatay ang ila lider nga si Tahir Alonto.
