KORONADAL CITY- Nakatutok subong ang PNP 12 sa mga lugar nga posible nga ikonsiderar nila nga ilakip sa mga election hotspots sa rehiyon 12.
Sa ekslusibo nga interbyu sang Bombo Radyo Koronadal kay PNP Regional Office 12 Spokesperson PSSupt. Aldrin Gonzales, kalakip sa mga
ginakonsiderar amuh ang pila ka bahin sang Polomolok kag Tupi kun sa diin una nga may mga narekober nga mga armas, ISIS flags kag mga nadakpan nga mga myembro sang ISIS-inspired group.
Samtang sa pihak nga bahin suno naman kay 6th Infantry Division Philippine Army Spokesperson Army Captain Arvin Encinas, isa mga focus sang ila operasyon amuh ang Autonomous Region in Muslim Mindanao kah iban pa nga mga banwa sa North Cotabato bangud sa presensya sang mga private armies nga posible mausar sang mga bintahoso nga mga pulitiko sa anuman nga election-related violence.
Nahibaluan nga sa pinaka ulihi nga monitoring sang mga otoridad yara sa 7,000 election hotspots kun sa diin kadamuan dire ang makit-an sa ARMM kaangot sa napagkit nga election violence.
