KORONADAL CITY- Nag-ibwal ang panibag-o nga engkwentro sa tunga sang militar kag komunista kag rebelde nga grupo sang New People’s Army sa banwa sang Kalamansig, Sultan Kudarat.
Sa ekslusibo nga interbyu sang Bombo Radyo Koronadal kay 6ID Philippine Army spokesperson Army Captain Arvin Encinas, nagluntad ang encounter sa Sitio Lumoton, Brgy. Datu Wasay sa nasambit nga banwa kun sa diin naka engkwentro sang 63rd Marine Company of Force Reconnaisance Group ang mga katapo sang Guerilla Front 73 sang Far South Mindanao Regional Committee.
Ang nasambit nga engkwentro ang nagresulta sa kamatayon ni Cpl. Jonas D. Reyes kag pagkapilas ni Cpl. Bryan M. Dela Cruz.
Sa karun padayon pa ang ginapatigayon nga pursuit operation sang militar batuk sa rebelde nga grupo.
