KORONADAL CITY- Liwat naman nga nakabaton sang pagkilala ang Bombo Radyo halin sa talatapan sang Department of Health.
Ginpasidungan bilang Top Performing NON-LGU Partner ang Bombo Radyo Koronadal kag Bombo Radyo Gensan sa bag-o lang nagtakop nga National Voluntary Blood Services Program sang DOH nga ginpatigayon sa General Santos City nga may tema nga “Celebrating Gains and Wins in Health”.
Ang nasambit nga award ang isa ka pagkilala sa suporta sang Bombo Radyo sa nasambit nga programa kag pagbulig sa pagkolekta sang yara sa 238 nga kabug-usan nga Blood Units sang nakaligad nga tuig.
Ini man ang may kaangtanan sa Dugong bombo, ang tuigan nga progreama sang Bombo Radyo nga may tinutuyo nga makakolekta sang dugo sa mga blood donors bilang bulig man sa maga tuman nga nagakinahanglan sang dugo.
Bangud diri, tuman naman ang pagpasalamat sang Bombo Radyo sapaghatag sang importansya sang DOH sa mga programa sang istasyon nga makabulig sa isig-katawo.
Samtang, liwat naman nga ipatigayon ang Dugong Bombo sa November 17, 2018 kag ginalauman nga mas malapawan pa subong nga tuig ang mga nakolekta nga blood units sang 2017.
