KORONADAL CITY- Nagahilibion nga ginsaysay sa Bombo Radyo Koronadal sang isa sa mga survivors sa nangyaring pamamaril sa Isulan, Sultan Kudarat ang brutal na pagpatay sa mga kaanak nito.
Sa ekslusibo nga interbyu sang Bombo Radyo Koronadal kay Michelle Necessito, 19 anyos, nagluntad ang pagpangluthang sa ila puluy-an sa Prk. Paglaum, Brgy. Kalawag I, Isulan,Sultan Kudarat samtang sila ang nagapanyapon.
Nakibot na lamang suno pa sila sang nag-abot ang 6 ka mga kalalakihan may dala nga mga armas kag naka-bonnet, itom nga bayo kag mata lang ang makita kun sa diin ginpalibutan suno pa sila kag ginpangluthang sang mga suspek sa ulo ang mga pakaisa sini nga sanday Mark Francis Nono, 21 anyos, Zyren Hiso, 25 anyos kag ang isa pa ka Chezter Fernandez Banyaga 18, nagpakitluoy man sila apang wala sila mahimo bangud pagapatyon ang magapangayo sang bulig.
Dead on Arrival sanday Nono kag Banyaga samtang kritikal naman si Hiso.
Gilayon naman nga nagpalagyo ang mga suspek sa wala mahibaluan nga direksyon kun sa diin suno sa PNP wala suno pa sa Drug watchlist ang mga biktima kag padayon pa nga ginahibalo ang motibo sa nasambit nga krimen.
