KORONADAL CITY- Ginalagas na sa Karun sang mga katapo sang Polomolok Municipal Police Station ang lalaki nga suspek sa pagpanglabo sa kaugalingon sini nga misis sa Brgy. Rubber sa nasambit nga banwa.
Sa impormasyon nga ginpalab-ot sang South Cotabato PNP sa pagpamuno ni PSSupt. Nestor Salcedo, ginkilala ang mga biktima nga sanday Basit Canapia, 48 anyos isa ka anay barangay kagawad sa nasambit nga lugar kun sa diin naghalin suno pa ang ila pag-inaway makaligad nga ginsita sini ang iya nga mister nga si Zaiden Canapia bangud sa tuman nga kahulugbon kag tuman nga kagahod sang mister.
Bangud sa tuman nga kaakig, ginlabo ni Zaiden ang iya misis kun sa diin nag-angkon ini sang mga malala nga pilas sa ulo kag tuhod.
Gilayon naman nga nagpalagyo ang suspek makaligad ang krimen samtang gindangat sa isa ka pribado nga balay bululngan ang misis sini kag padayon nga ginamonitor ang kahimtangan sini.
Top
