KORONADAL CITY – Padayon nga nagahuyang ang presensiya sang New People’s Army sa probinsya sang Sultan Kudarat.
Ini makaligad nagsungka ang 18 miyembro sang New People’s Army sa Alpha Company sang 33rd Makabayan Infantry Battalion sa Brgy Midtungok, Sen. Ninoy Aquino sa nasambit nga probinsya.
Kabahin suno pa ang nasambit nga grupo sa Yunit Milisya sang nasambit nga grupo.
Ginbaton ni Alpha Company Executive Officer 2nd Lt. Dennis Gamos ang mga surrenderors kalakip na ang ila mga armas luthang sa bahin sang Lemangga village.
Suno sa group leader sang rebeldeng grupo nga si Narding Sunap, ginhimo sila nga “first line of defense” sang mga hardcore nga mga miyembro sang NPA batok sa mga suldado.
Para naman kay Pu Mapulo, nahadlok sila sa padayon nga operasyon sang militar makaligad nagsungka ang duha nila ka kaupdanan sang damlag lamang.
Natalana nga ipresentar ang mga ini kay Senator Ninoy Aquino Mayor Randy Ecija sa Oktubre 8.
Base sa datos sang 33rd IB, masobra 200 miyembro sang Guerilla Front 73 ang nagsungka sa ila humalin pa sang Mayo 2017.
