KORONADAL CITY – Ginpasiguro sang PNP regional office 12 nga ginamonitor nila ang tanan nga mga aktibidad sang mga komunista kag rebelde nga grupo kaupod ang nagkalain-lain nga buluthuan.
Ini ang ginkumpirmar ni PSupt. Aldrin Gonzales, spokesperson sang PNP 12 sa interbyu sang Bombo Radyo Koronadal.
Suno kay Gonzales, nakatutok man sila sa mga eskwelahan ukon unibersidad nga posible sudlon sang mga komunista agud nga makapangganyat sang mga esytudyante para sa Red October ouster plot batuk kay Pres. Rodrigo Duterte.
Kadungan sini, ginpasiguro man ni Gonzales nga indi nila pagatugutan nga may mga estudyante halin sa nagkalain lain nga lugar sa Rehiyon 12 nga magasali sa Red October.
Nagapati naman ang PNP 12 ini man ang ila pagahimuon sa mga opisyal sang DepED-12 agud indi mausar ang interes sang mga estudyante sang mga leftist group.
Madumduman nga sang nakaligad nga bulan, una nga nareport nga may mga revolutionary schools sa Region 12 nga gin usar sa
recruitment sang CPP-NPA.
