KORONADAL CITY- Naglab-ot na sa masobra 60,000 katao ang padayon nga nagbakwit kag ginalauman nga madugangan pa kasunod sang desperasyon nga maghalin sa ground zero makaligad gintay-og sang magnitude 7.5 nga linog kag ginwasak sang tsunami ang Palu City kag mga kalapit nga lugar sa Sulawesi island nga nagresulta sa kamatayon sang masobra 1,400 katawo kag ginkapilas sang nilibo ka iban pa.
Sa interbyu kay Doseba Sina ang National Director for World Vision sa Indonesia, makaalarma ang sitwasyon sang ila mga pumuluyo nga apektado sang kalamidad bangud nagamasakit na ang mga ini samtang naga-istar sa gintukod nga makeshift tents malapit sa Masovu Airport sa Palu, Indonesia.
Dugang pa sini nga tuman man ka huyang suno pa ang response sang gobyerno sa kalamidad kag ginabasol sini ang panghitabo sa kawad-an sang disaster preparedness sa Indonesia.
Masakit man suno pa makita nga wala na sang layi nga ginaduso sa Palu bangud sa malapnagon nga looting, pagdamo sang mga kawatan kag armado mangin man ang desperasyon nga mabuhi sang mga residente kun sa diin ang pila sa mga survivors ang nagsaka na sa mga puno sang kahoy agud nga kaunon ang anuman nga bunga sini bangud sa tuman nga gutom.
