KORONADAL CITY- Ginpanginwala ni Sister Susan Bolanio, chairman sang Oblates of Notre Dame HESED foundation nga may kaangtanan ini kag isa sya sa mga nagapanguna sa South Cotabato sa plano nga pagpakakas kay Pres. Rodrigo Duterte.
Sa ekslusibo nga interbyu sang Bombo Radyo Koronadal kay Sister Bolanio, gintawag sini nga isa ka dako nga kabutigan kag malisyoso ang nagagawa nga Know Your Enemy Chart sang Hukbo.com nga naga angot sa pila ka lider sang komunista kag rebelde nga grupo sang New People’s Army, opposition leaders kag iban pa nga grupo nga yara sa likod suno pa sang
Red October sa probinsya.
Aminado man ang madre nga isa ka dako nga pamahog sa iya nga kabuhi ang nagagwa nga impormasyon kun sa diin suno sa iya, nagabulig lang ini sa mga tribo na biktima sang kawad-an sang hustisya ilabi na asa pamilya nanday Datu Victor Danyan kag Dandee Danyan nga una na nga gintawag sang militar nga mga lider sang shadow government sang NPA sa Brgy. Ned Lake Sebu, South Cotabato.
Samtang sa pihak nga bahin, suno naman kay 27th IB commander Lt. Col. Jones Otida maayo suno pa ang ginapakita ni Sister Bolanio luwas na lamang nga naga alanganin man ini sa iban nga aksyon sang madre.
