Nagpanindugan ang mga otoridad angot sa nagluntad nga operasyon batuk sa iligal nga droga sa Purok Malipayon, Brgy. Ambalgan Sto. Niño, South Cotabato nga lehitimo ang ila ginpatigayon nga operasyon nga ginkapatay sang 3 ka mga drug suspects.
Nahibaluan nga patay man sa separar nga operasyon ang mga target nga sanday Dennis Cabantud kag June Jay Cabantud nga mag-utod kag patay man ang isa ka Ronnie Magon samtang nakapalagyo naman ang isa pa ka Muhammad Moso nga kaupod ni Magon makaligad nga magbato suno pa sa tropa sang Regional Police Drug Enforcement Unit o RPDEU 12 kag South Cotabato Mobile Force Battalion.
Nakuha sa posisyon ni June Jay Cabantud ang isa ka cal. 45 na baril , 2 large kag 6 small sachets sang ginapatihan nga shabu samtang kay Dennis Cabantud narekober ang 6 large sachets sang ginapatihan nga shabu kag kay Ronnie Magon, narekober ang 7 small sachets sang shabu, drug paraphernalia kag cal. 20 nga armas.
Suno naman sa kaupod sa puluy-an sang pamilya Cabantud nga si Marifel Salmorin nga yara man sang ginpatigayon ang operasyon, malain suno pa ang buot sang pamilya bangud wala suno pa ang mga ini nagbato kag ginasiling man nga may yara sang mga nadula nga kwarta makaligad ang operasyon.
