KORONADAL CITY – Nag-aksyon na ang konsulada sang Pilipinas sa Jizan, Saudi Arabia agud mahatagan sang bulig ang pamilya sang ginpatay nga OFW makaligad nga ginluthang sang mga otoridad sa iya ginaobrahan nga kumbyohan angud sa pagmaoy sini.
Kalakip sa mga bulig nga igahatag sang konsulada amo ang pagpauli sang bangkay sini sa Pilipinas.
Una diri, ginpakigbahin ni Jeddah Philippine consulate Consul General Edgar Badajos nga nagbaisay ang OFW kag guwardiya nga Pakistani bangud nataltal sa trabaho ang kasimanwa tubtob sa ginbuno niya ang dumuluong.
Gilayon naman sini nga ginbuno ang isa ka manager nga Saudi national kag pila pa niya nga kaupod sadto sa obra nga naghana nga nagatambag sa iya.
Namatay naman ini sang ginluthang sang nagresponde nga security personnel sang kumbyohan.
Namatay mang bangud sa naangkon nga buno sa lawas ang Pakistani kag ang iya manager bangud sa insidente.
Sa subong padayon pa nga ginaimbestigaran ang natabo, amo man ang pangalan sang namatay nga OFW.
