KORONADAL CITY- Gintawag ni Bayan Muna Partylist Representative Carlos Isagani Zarate nga palusot lang sang administrasyon ang Red October Ouster Plot nga may tinutuyo suno pa nga pahalinon sa pwesto si Pres. Rodrigo Duterte.
Suno sa kritiko, nagahimo lang sang kaugalingon sini nga “multo” ang administrasyon kag AFP bilang pag divert sang matuod nga isyu sa pungsod kasubong sang mataas nga inflation rate, pag-atake sa mga kritiko sang Duterte administration, pagpamulitika kag iban pa.
Hindi man suno tama ang ginahimo nga pagpang-ipit sang administrasyon ilabi na kay Sen. Antonio Trillanes IV pinaagi sa pagrevoke sang amnesty sini.
Samtang sa pihak nga bahin, ginpabulaanan man sini ang impormasyon nga nag-isa na ang New People’s Army, mga kasubong sini nga kritiko sang administrasyon kag oposisyon batuk kay Pres. Rodrigo Duterte agud pakakason ini sa pwesto bangud ginahimo lang suno pa nila ang ila trabaho.
