KORONADAL CITY- Tuman ang kalipay sang isa ka anay Overseas Filipino Worker halin sa Sultan Kudarat makaligad sini nga ginsaka ang highest peak sang Mt. Kinabalu sa Sabah, Malaysia ang pinakamataas nga bukid sa Southeast Asia.
Sa ekslusibo nga interbyu sang Bombo Radyo Koronadal kay Lucky Desiree Grace Arzagon, 31 anyos anay OFW sa Saudi Arabia kag halin sa Senator Ninoy Aquino, Sultan Kudarat, passion na sini ang mountain climbing kag apisar wala sang premyo gintilawan sini nga sakaon ang Mt. Kinabalu kag wala ini napaslawan.
Gintawag man sini nga very intense adventure ang iya nga naeksperyensyahan.
Kinahanglan lamang suno pa sang tama nga disiplina, training kag mindset agud mahimo ang tuman ka komplikado nga pagsaka sa Mt. Kinabalu, 4,095 meters above sea level.
Nahibaluan nga lakip sa mga ginsaka na ni Arzagon amuh ang Mt. Apo, Mt. Kitanglad nga ikaapat sa mga pinakamataas sa Pilipinas kag Mt. Dulang-Dulang nga ikaduha naman nga pinakamataas sa Pilipinas.
Samtang plano man sini nga sakaon ang Mt. Yushan sa Taiwan, Mt. Fuji sa Japan kag ang sikat nga Mt. Everest sang Nepal.
