KORONADAL CITY- Arestado ang isa ka kumander sang New People’s Army sa ginpatigayon nga joint operation sang PNP kag militar sa banwa sang Surallah, South Cotabato.
Sa eklusibo nga interbyu sang Bombo Radyo Koronadal kay Lt. col Jones Odetta sang 27th Infantry Battalion Philippine Army, ang NPA kumander ang ginkilala nga si Ofelia Wanhog alyas Kumader Dikay sang Guerilla Front 73 sang NPA.
Nahibaluan nga may 2ka arrest warrants si Kumander Dicay bangud sa mga kaso nga rebelyon kag frustrated murder kun sa diin tigayon na ini nga nadakpan sa Sitio Toledo, Brgy. Centrala, Surallah, South Cotabato.
Samtang padayon sa gihapon ang operasyon sang militar batuk sa mga komunista kag rebelde nga grupo sa South Cotabato kag kalapit nga mga probinsya.
